Իրանն առավելագույն ճնշման ու սպառնալիքների պայմաններում ԱՄՆ հետ ուղիղ բանակցություններ չի վարի։ Այս մասին հայտարարել է Իրանի արտգործնախարար Աբբաս Արաղչին՝ իրանական Կարմիր մահիկի շտաբում ունեցած հանդիպմանը:
Արաղչին հավելել է, որ սա պաշտոնական Թեհրանի հստակ քաղաքականությունն է, որը կշարունակվի այնքան, քանի դեռ ամերիկյան կողմը չի փոխել Իրանի ժողովրդի հանդեպ մոտեցումը։
«Հեռանկարը, որն այժմ կա, այն է, որ Իրանի հասցեին հնչող մեղադրանքների և անտրամաբանական պահանջների պայմաններում մենք ուղիղ բանակցություններ չենք վարելու։ Միաժամանակ ոչ ուղիղ բանակցությունների ուղին բաց է, և տարբեր խողովակներով այն իրականացնելու հնարավորություն կա»,- հավելել է Իրանի արտգործնախարարը:
Հետևեք մեզ տելեգրամում
