ԱԷՄԳ-ի գլխավոր տնօրենը Թեհրանում հանդիպումներ է ունենում

Ատոմային էներգիայի միջազգային գործակալության գլխավոր տնօրեն Ռաֆայել Գրոսին Թեհրանում հանդիպել է Իրանի ատոմային էներգիայի կազմակերպության ղեկավար Մոհամմադ Էսլամիի հետ։ Հանդիպումից հետո կողմերը հանդես կգան համատեղ մամուլի ասուլիսով։

Մինչ այդ Գրոսին հանդիպել է նաև Իրանի արտաքին գործերի նախարար Աբբաս Արաղչիի հետ։ Իրանի արտգործնախարարությունն իր Telegram ալիքում տեղեկացրել էր, որ Արաղչին գործակալությանը կոչ է արել կատարել իր ստանձնած  պարտավորությունները՝ «տեղի չտալով որոշ երկրների կողմից անհիմն ճնշումներին»։