Պաղեստինյան «ՀԱՄԱՍ» շարժումը պատրաստ է բանակցություններ սկսել բոլոր իսրայելցի պատանդների ազատ արձակման շուրջ Գազայի հատվածում ռազմական գործողությունների ամբողջական դադարեցման դիմաց։ Նման հայտարարությամբ է հանդես եկել «ՀԱՄԱՍ»-ի առաջնորդ Խալիլ ալ-Հայյան։
««ՀԱՄԱՍ»-ը պատրաստ է անհապաղ սկսել բանակցությունները, որի արդյունքում ազատ կարձակվեն բոլոր իսրայելցի պատանդները, ինչպես նաև իսրայելական բանտերում պահվող համաձայնեցված թվով պաղեստինցի գերիներ։ Դրա դիմաց մենք պահանջում ենք ամբողջությամբ դադարեցնել պատերազմը մեր ժողովրդի դեմ, իսրայելական զորքերը դուրս բերել Գազայի հատվածից, վերականգնել Գազան և վերացնել շրջափակումը»,-ասել է ալ-Հայյան` հավելելով, որ ողջունում են ԱՄՆ նախագահ Դոնալդ Թրամփի հատուկ բանագնաց Ադամ Բոհլերի դիրքորոշումը, ով չորեքշաբթի հայտարարել էր, որ Գազայում մարտերը «կդադարեն այն օրը, երբ պատանդները ազատ արձակվեն»։
Հետևեք մեզ տելեգրամում
