ՀՀ-ում Չինաստանի գործերի ժամանակավոր հավատարմատար Չեն Մինը մեկնաբանություն է տվել թուրքական մերձիշխանական «Թուրքիա» թերթին։ Թերթը մեկնաբանությունը ներառող հոդվածը հրապարակել է՝ «Չինաստանից «Գոտի և ճանապարհի» հարցում նոր քայլ․ Թուրքիան ռազմավարական կենտրոն է, իսկ Երևանը տրանսպորտային ցանցում է ներգրավվում» վերնագրով։
Հոդվածում նշվել է, որ համաշխարհային առևտրային քարտեզը վերաձևվում է․ Չինաստանը պատմական «Մեկ գոտի և մեկ ճանապարհ» նախաձեռնության մեջ ուշագրավ ևս մեկ քայլ է անում՝ պատրաստվելով Հայաստանին ներառել իր տրանսպորտային ցանցում։ Նշվել է, որ Պեկինն այս պլանի մասին առաջին անգամ խոսել է Հայաստանում Չինաստանի գործերի ժամանակավոր հավատարմատար Չեն Մինը ։
Regionmonitor.com-ը ներկայացնում է հոդվածը.
«Չինաստանը նոր էջ է ցանկանում բացել իր «Գոտի և ճանապարհ» նախաձեռնության մեջ։ Հայաստանում Չինաստանի գործերի ժամանակավոր հավատարմատար Չեն Մինն առաջին անգամ հայտարարել է, որ Երևանը նախագծում է ներառվելու։
Չեն Մինը Turkiyegazetesi.com.tr-ին տված հատուկ մեկնաբանության մեջ նշել է՝ Պեկինը Հայաստանին, որին դիտարկում է որպես «աշխարհի խաչմերուկ», պլանավորում է էլ ավելի ակտիվ ինտեգրել «Գոտի և ճանապարհ» նախաձեռնությանը։
Հայտնելով, որ այս շրջանակում Չինաստանը Երևանի հետ տրանսպորտային ոլորտում առաջիկայում պայմանագիր է ստորագրվելու՝ Չենը նշել է, որ այդ ծրագրերը վերագծելու են Հրվ․ Կովկասի տնտեսական քարտեզը։
Հետևեք մեզ տելեգրամում
