Վրաստանի պետական անվտանգության ծառայությունը հայտարարություն է տարածում Վրաստանում ԱՄՆ դեսպանատան կողմից տրված նախազգուշացման վերաբերյալ։
Ինչպես նշված է հայտարարության մեջ, Պետական անվտանգության ծառայության համապատասխան ստորաբաժանումները աշխատում են ևս մեկ կեղծ հաղորդագրության վրա։
ՊԱԾ-ի տվյալներով՝ քաղաքացիների անվտանգությունը ծառայության գերակա խնդիրն է, և իր լիազորությունների շրջանակներում ծառայությունը ձեռնարկում է բոլոր անհրաժեշտ և անհետաձգելի միջոցառումները։
«Մենք կոչ ենք անում Վրաստանում հավատարմագրված դիվանագիտական առաքելություններին հարգել անվտանգության համար պատասխանատու ծառայությունների գործունեությունը, ցուցաբերել ավելի մեծ պատասխանատվություն և զերծ մնալ համապատասխան գերատեսչությունների հետ չհամաձայնեցված հայտարարություններ տարածելուց»,–ասվում է ՊԱԾ-ի հայտարարության մեջ։
Վրաստանում ԱՄՆ դեսպանատունը նախազգուշացում է տարածել իր քաղաքացիներին՝ նշելով, որ դեսպանատունը տեղեկացել է Թբիլիսիի երեք առևտրի կենտրոններում ռումբի սպառնալիքի մասին։
Հետևեք մեզ տելեգրամում
