ԱՄՆ նախագահ Դոնալդ Թրամփը կմեկնի մերձավորարևելյան շրջագայության, որի պաշտոնական մասը տեղի կունենա մայիսի 13-ից 16-ը։ Նա կայցելի Սաուդյան Արաբիա, Կատար և Արաբական Միացյալ Էմիրություններ (ԱՄԷ)։ Սա Թրամփի՝ առաջին երկարատև արտասահմանյան շրջագայությունն է հունվարի 20-ին պաշտոնը ստանձնելուց ի վեր՝ չհաշված ապրիլի վերջին Հռոմ կատարած կարճատև այցը, երբ նա մասնակցեց Հռոմի Ֆրանցիոսկոս պապի հուղարկավորությանը:
Թրամփը Էլ-Ռիադում կմասնակցի ԱՄՆ-ի և Ծոցի համագործակցության խորհրդի գագաթնաժողովին։ Ամերիկյան լրատվամիջոցների փոխանցմամբ՝ նախագահը ներկայացնելու է Մերձավոր Արևելքում Միացյալ Նահանգների դերի և նպատակների վերաբերյալ իր տեսլականը։
Շրջագայության հիմնական նպատակներից մեկը կլինի տնտեսական գործարքների կնքումը և ամերիկյան տնտեսություն ներդրումների ներգրավումը։ Նախատեսվում է նաև քննարկել պաղեստինա-իսրայելական հակամարտության կարգավորման հարցը։
Թրամփը նաև պլանավորում է քննարկել նավթի համաշխարհային գները. դրանց իջեցումը կնպաստի ԱՄՆ տնտեսական աճը արագացմանը, ինչը վարչակազմի հիմնական նպատակներից մեկն է։
Հետևեք մեզ տելեգրամում
