Գազայի հատվածում ռազմական գործողությունների ավարտից հետո իշխանությունը պետք է ստանձնի Պաղեստինի ինքնավարությունը։ Այս մասին Fox News հեռուստաալիքին տված հարցազրույցում հայտարարել է ԱՄԷ արտաքին գործերի և միջազգային համագործակցության նախարար Աբդալլահ բին Զայեդ Ալ-Նահյանը։
«Ի վերջո, միայն պաղեստինցիները պետք է կառավարեն այս տարածքը»,-ասել է ԱՄԷ-ի արտաքին գործերի նախարարը՝ ընդգծելով, որ պաղեստինյան «ՀԱՄԱՍ» շարժումը պետք է զրկվի Գազայի նկատմամբ վերահսկողությունից։
Նախարարը համոզված է, որ Պաղեստինի իշխանությունները «հոգնել են ստեղծված իրավիճակից․․․ և ցանկանում են, որ պատերազմն ավարտվի»:
«Այս փուլում գերակա խնդիրը պատանդների ազատ արձակումն ու Գազայում հանգիստ պայմանների հաստատումն է»,-ասել է էմիրաթցի բարձրաստիճան պաշտոնյան։
Հետևեք մեզ տելեգրամում
