Ռուսաստանի հետ համապարփակ ռազմավարական գործընկերության համաձայնագիրը մոտ ապագայում կներկայացվի Իրանի մեջլիս (խորհրդարան)՝ վերջնական հաստատման համար։ Այս մասին հայտնել է Իսլամական Հանրապետության արտաքին գործերի նախարարության պաշտոնական ներկայացուցիչ Էսմայիլ Բաղային։
«Համաձայնագիրը վերանայվել և հաստատվել է Մեջլիսի արտաքին քաղաքականության և ազգային անվտանգության հանձնաժողովի կողմից։ Այն շուտով կներկայացվի խորհհրդարան՝ վերջնական հաստատման և վավերացման համար»,-ասել է դիվանագետը ամենշաբաթյա ճեպազրույցի ժամանակ՝ ընդգծելով, որ Իրանի և Ռուսաստանի միջև ռազմավարական գործընկերությունը «շատ կարևոր է»։
Հիշեցնենք, որ հունվարի 17-ին Կրեմլում բանակցություններից հետո Ռուսաստանի և Իրանի նախագահներ Վլադիմիր Պուտինն ու Մասուդ Պեզեշկիանը ստորագրեցին երկու երկրների միջև համապարփակ ռազմավարական գործընկերության մասին պայմանագիր։ Ապրիլի 21-ին Պուտինը ստորագրեց համաձայնագիրը վավերացնող օրենքը։
Հետևեք մեզ տելեգրամում
