Մայիսի 22-ին տեղի է ունեցել Թուրքիայի Ազգային անվտանգության խորհրդի նիստը՝ Ռեջեփ Թայիփ Էրդողանի գլխավորությամբ։
Թուրքիայի նախագահի աշխատակազմի հանրային կապերի վարչությունը հայտարարություն է տարածել՝ ներկայացնելով նիստի ընթացքում քննարկված հարցերը։ Հայտարարության 8-րդ կետը վերաբերում է Ադրբեջան-Հայաստան հարաբերություններին։
«Գոհունակություն է հնչել առ այն, որ Ադրբեջանը և Հայաստանը համաձայնություն են ձեռք բերել խաղաղության պայմանագրի նախագծի շուրջ։ Եվս մեկ անգամ վերահաստատվել է մեր ակնկալիքը՝ ապահովել անհրաժեշտ պայմանները վերջնական խաղաղության հաստատման համար, որը կծառայի մեր տարածաշրջանի բոլոր դերակատարների շահերին»,-նշված է եղել հայտարարության մեջ։
Հայտարարությանը մյուս կետերը վերաբերում են Սիրիայում զարգացումներին, ռուս-ուկրաինական պատերազմին, Գազայի խնդրին, ՔԲԿ-ի («Քրդական բանվորական կուսակցություն») թեմային։
Հետևեք մեզ տելեգրամում
