Վրաստանը շահագրգռված է հայ-ադրբեջանական հակամարտության դադարեցմամբ. Վրաստանի նախագահ

Վրաստանի նախագահ Միխեիլ Ղավելաշվիլին «Imedi LIVE» հաղորդման եթերում, անդրադարձել է Հարավային Կովկասի զարգացումներին:

«Մեր տարածաշրջանում վերջերս հակամարտություն էր Հայաստանի և Ադրբեջանի միջև, և մենք շահագրգռված ենք, որ այն ավարտվի։ Շնորհակալություն եմ հայտնում երկու երկրների ղեկավարներին այդ ուղղությամբ պատրաստակամություն ցուցաբերելու համար։ Խաղաղությունն ու կայունությունը շատ կարևոր են տարածաշրջանի համար և հնարավորություններ են ստեղծում երեք երկրների համար։ Օր չկա, որ որևէ մեծ երկիր այս տեսանկյունից չխոսի մեր տարածաշրջանի մասին։ Բացի այդ, մենք հիանալի հարաբերություններ ունենք Թուրքիայի հետ։ Մեր դիրքորոշումն էլ հստակ է՝ տարածաշրջանը պետք է դառնա ավելի գրավիչ բոլորի համար»,-նշել է նա:։