Իրաքի ղեկավարությունը պետք է ճանաչի և հարգի այն պայմանագրերը, որոնք Իրաքյան Քրդստանի իշխանությունները կնքել են ամերիկյան ընկերությունների հետ։ Այս մասին լրագրողների հետ հերթական ճեպազրույցում հայտարարել է Պետքարտուղարության մամուլի ծառայության ղեկավար Թեմի Բրյուսը։
«Պետքարտուղար Ռուբիոն ասաց, որ մենք աջակցում ենք քրդական ինքնավարությանը և այնտեղ բիզնեսով զբաղվող ամերիկյան ընկերություններին, և կոչ արեց Իրաքի կառավարությանը հարգել այս տնտեսական կենսական նշանակություն ունեցող գիծը, որը կարևոր է բարգավաճման և հաջողության համար: Մենք կարծում ենք, որ ամերիկա-իրաքյան և իրաքա-քրդական շահերից է բխում ուժեղ ու կենսունակ Իրաքյան Քրդստան՝ ինքնիշխան և բարգավաճ դաշնային Իրաքի շրջանակներում»,-ընդգծել է դիվանագետը։
Նա հավելել է, որ Ռուբիոն Վաշինգտոնում կհանդիպի Իրաքյան Քրդստանի նախագահ Նեչիրվան Բարզանիի հետ՝ «Միացյալ Նահանգների և ինքնավար շրջանի միջև առևտրի և ներդրումների աճի հեռանկարները քննարկելու համար»։
«Նրա այցը ցույց է տալիս մեր ցանկությունը՝ ամրապնդելու ԱՄՆ-ի հարաբերությունները Իրաքյան Քրդստանի հետ»,-հավելել է Բրյուսը։
Նրա խոսքով՝ Բարզանին ամերիկյան ընկերությունների հետ ստորագրել է մաստշաբային պայմանագրեր (100 մլրդ դոլարը գերազանցող)՝ Իրաքյան Քրդիստանում բնական գազի արտադրությունը ընդլայնելու վերաբերյալ, ինչը կօգնի Իրաքին օգտագործել իր սեփական ներքին ռեսուրսները և դառնալ էներգետիկ առումով անկախ, ինչը մենք արդեն մեկ անգամ չէ, որ քննարկել են։
Հետևեք մեզ տելեգրամում
