Հնդկաստանն ակնկալում է, որ Թուրքիան Պակիստանին կհորդորի դադարեցնել աջակցությունը սահմանային ահաբեկչությանը: Այդ մասին հայտնել է Հանդկաստանի արտաքին գործերի նախարարության ներկայացուցիչ Ռանդհիր Ջայսվալը
«Ակնկալում ենք, որ Թուրքիան կհորդորի Պակիստանին դադարեցնել անդրսահմանային ահաբեկչությանն աջակցելը և ձեռնարկել վստահություն ներշնչող ու ստուգման ենթակա գործողություններ այն ահաբեկչական էկոհամակարգի դեմ, որը նա քողարկել է տասնամյակներ շարունակ», -հայտարարել է Արտաքին գործերի նախարարության ներկայացուցիչ Ռանդհիր Ջայսվալը։
«Հարաբերությունները կառուցվում են միմյանց խնդիրների նկատմամբ զգայունության հիման վրա», – հավելել է նա։
Ավելի վաղ Հնդկաստանը հայտարարել էր Թուրքիայից և Ադրբեջանից ներմուծման և արտահանման լիակատար բոյկոտի մասին՝ նշված երկու երկրների կողմից Պակիստանին աջակցության պատճառով։
Միաժամանակ հնդկական ընկերություններին կոչ է արվել Թուրքիայում և Ադրբեջանում գովազդներ կամ ֆիլմեր չնկարահանել։
Հետևեք մեզ տելեգրամում
