«Վրացական երազանք» կուսակցության հիմնադիր Բիձինա Իվանիշվիլին հրաժարվել է հանդիպել Վրաստանում ԱՄՆ դեսպան Ռոբին Դանիգանի հետ։ Դեսպանության հաղորդագրության մեջ նշվում է, որ Իվանիշվիլին հրաժարվել է լսել Թրամփի վարչակազմի ուղերձը։
«Պետքարտուղար Ռուբիոյի խնդրանքով մայիսի 22-ին դեսպան Դանիգանը խնդրել է հանդիպում Բիձինա Իվանիշվիլիի հետ՝ վարչակազմի ուղերձը փոխանցելու և կրկին ներկայացնելու այն կոնկրետ քայլերը, որոնք Վրաստանի կառավարությունը կարող է ձեռնարկել՝ ցույց տալու համար, որ լուրջ է վերաբերվում Միացյալ Նահանգների հետ հարաբերությունների վերագործարկմանը: Մենք հույս ունենք, որ Վրաստանի կառավարությունը անկեղծորեն ցանկանում է վերադառնալ Ամերիկայի և ամերիկյան ժողովրդի հետ 33 տարվա գործընկերությանը և բարեկամությանը»,- նշված է հաղորդագրության մեջ։
Բիձինա Իվանիշվիլին հայտարարություն է տարածել՝ անդրադառնալով հանդիպումից հրաժարվելուն։
«Անձնական շանտաժի համատեքստում ես սխալ եմ համարում դեսպանի հետ հանդիպելը և պետական հարցեր քննարկելը»,- ասված է հաղորդագրության մեջ՝ նկատի ունենալով Իվանիշվիլիի նկատմամբ կիրառվող անհատական պատժամիջոցները։
Հետևեք մեզ տելեգրամում
