Անկարայում ԱՄՆ դեսպան Թոմ Բարաքը կարծում է, որ Թուրքիան կարող է կազմակերպել ԱՄՆ-ի, Ռուսաստանի, Թուրքիայի և Ուկրաինայի առաջնորդների քառակողմ հանդիպում՝ ուկրաինական հակամարտությունը լուծելու համար: Սակայն, միևնույն ժամանակ, ինչպես նա նշել է NTV-ին տված հարցազրույցում, ԱՄՆ առաջնորդ Դոնալդ Թրամփի «համբերությունը սպառվել է» կարգավորման ժամկետների հարցում:
«Նախագահ Թրամփի համբերությունը սպառվել է։ Ընդհանուր առմամբ, չի կարելի ասել, որ նա շատ համբերատար է։ Թուրքիային գործընթացին ներգրավելու և մի շարք հարցերի լուծելու դեպքում կարող է տեղի ունենալ գագաթնաժողով։ Եվ կարծում եմ, որ մենք կարող ենք գտնել խնդրի լուծում, որը կբավարարի բոլորին»,-ասել է դեսպանը՝ նշելով, որ հնարավոր «բարձր մակարդակի հանդիպումը պետք է իմաստալից լինի»։
«Այնտեղ կայացված որոշումները պետք է լինեն արդյունավետ և պարունակեն անվտանգության երաշխիքներ։ Թուրքիան կարող է օգնել նեղացնել այն հարցերի շրջանակը, որոնք առաջնորդները պետք է քննարկեն՝ բոլոր կողմերի համար ողջամիտ լուծում գտնելու համար», – ասաց Բարաքը։
Նշենք, որ հունիսի 2-ին Թուրքիայի նախագահ Ռեջեփ Թայիփ Էրդողանը հայտարարեց, որ կցանկանար Ռուսաստանի նախագահ Վլադիմիր Պուտինի և Վլադիմիր Զելենսկու միջև հանդիպումը կազմակերպել Թուրքիայի տարածքում, որին կարող է մասնակից լինել նաև ԱՄՆ նախագահ Դոնալդ Թրամփը։ Էրդողանն ընդգծել է, որ ջանքեր կգործադրի նման գագաթնաժողով կազմակերպելու համար։
Հետևեք մեզ տելեգրամում
