Իրանի արտաքին գործերի նախարար Աբբաս Արաղչին երեքշաբթի օրը պաշտոնական այցով Եգիպտոսից ժամանել է Բեյրութ, որի ընթացքում նա բանակցություններ կվարի լիբանանցի բարձրաստիճան պաշտոնյաների հետ։
«Ես շատ ուրախ եմ կրկին Լիբանան այցելելու և նրա ղեկավարների ու ժողովրդի հետ հանդիպելու հնարավորության համար»,-ժամանելուն պես ասել է Արաղչին։
Իր խոսքում Արաղչին ընդգծել է, որ «Իրանի Իսլամական Հանրապետությունը իր արտաքին քաղաքականության մեջ առաջնահերթություն է տալիս հարևան երկրներին, Արևմտյան Ասիային և տարածաշրջանի մեր ընկերներին»։
Նա Իրանի և Լիբանանի հարաբերությունները բնութագրել է որպես «պատմական և խորը արմատներ ունեցող», նշելով, որ դրանք «միշտ բարեկամական են եղել և հիմնված են փոխադարձ հարգանքի վրա»։
«Թեհրանը հանձնառու է պահպանել և ամրապնդել այդ կապերը՝ հիմնված փոխադարձ հարգանքի և ընդհանուր շահերի վրա: Իրանն աջակցում է Լիբանանի ինքնիշխանությանը, անկախությանը, տարածքային ամբողջականությանը, և կշարունակենք դա անել այս դժվարին ժամանակներում»,-ասել է Արաղչին:
Հետևեք մեզ տելեգրամում
