Իսրայելի պաշտպանության նախարար Իսրայել Կացը նախազգուշացրել է, որ Իսրայելը կշարունակի հարվածել Լիբանանին մինչև Իրանի կողմից աջակցություն ստացող «Հեզբոլլահ» խմբավորումը չի զինաթափվել:
«Բեյրութում խաղաղություն չի լինի, իսկ Լիբանանում՝ կարգուկանոն կամ կայունություն առանց Իսրայելի պետության անվտանգության։ Պայմանավորվածությունները պետք է հարգվեն, և եթե դուք չանեք այն, ինչ պահանջվում է, մենք կշարունակենք գործել մեծ ուժով»,-ասել է Կացը:
Իսրայելի բանակը հունիսի 5-ին հարվածել էր Բեյրութի հարավային արվարձանում գտնվող մի շենքի, որը, ըստ իսրայելցի զինվորականների, «Հեզբոլլահ»-ն օգտագործում էր անօդաչու թռչող սարքեր արտադրելու համար: Հարվածը հաջորդել է սոցիալական ցանցերում հրապարակված մի շարք նախազգուշացումներին:
Հետևեք մեզ տելեգրամում
