IRIB-ի հաղորդմամբ՝ Իրանի հետախուզական ծառայությունը կարողացել է ձեռք բերել Իսրայելի ռազմավարական ու գաղտնի տեղեկություններ, այդ թվում՝ հազարավոր փաստաթղթեր, որոնք կապված են Իսրայելի միջուկային ծրագրերի ու օբյեկտների հետ։ Աղբյուրները նաև հայտնել են, որ փաստաթղթերի քանակը շատ մեծ է, և դրանց ամբողջական ուսումնասիրությունը երկար ժամանակ կպահանջի։
Իրանի հետախուզության նախարար Էսմայիլ Խաթիբն էլ հայտարարել է, որ Իրանը ձեռք է բերել Իսրայելի ռազմավարական ու զգայուն տվյալներ, այդ թվում՝ միջուկային ծրագրերի վերաբերյալ ամբողջական փաստաթղթեր։ Նա ընդգծել է, որ այնքան կարևոր, որքան այդ փաստաթղթերն են, նույնքան էլ կարևոր է դրանց փոխանցման եղանակը, որը այս պահին գաղտնի է պահվում և մոտ ապագայում չի հրապարակվելու։ Նա հավելել է, որ փաստաթղթերը շուտով կհրապարակվեն։ Խաթիբը հայտնել է, որ ձեռք են բերվել նաև փաստաթղթեր Իսրայելի կապերի մասին ԱՄՆ-ի, Եվրոպայի և այլ երկրների հետ։
Հետևեք մեզ տելեգրամում
