Վրաստանի վարչապետ Իրակլի Կոբախիձեն անդրադարձել է ԱՄՆ-ում նոր դեսպանի նշանակմանը և այդ երկրի հետ ռազմավարական հարաբերությունների վերագործարկման կարևորությանը։
«Մենք բացահայտ հայտարարում ենք, որ Վրաստանի համար կարևոր է թարմացնել իր ռազմավարական գործընկերությունը Միացյալ Նահանգների հետ մաքուր էջից։ Մենք ցանկանում ենք տեսնել կոնկրետ ուղեցույցներ և կոնկրետ խնդիրներ։ ԱՄՆ վարչակազմին դրանում համոզելը երկրում Վրաստանի նոր դեսպան Թամար Տալիաշվիլիի խնդիրն է։ Մենք մեծ հույս ունենք, որ երկու երկրի միջև արժեքների մերձեցման ֆոնին հարաբերությունները կվերագործարկվեն։ Թույլ տվեք ևս մեկ անգամ ընդգծել, որ Թրամփի վարչակազմի պայքարը «Deep State»-ի դեմ շարունակվում է, և մենք մեծ հույս ունենք, որ նրանք կհասնեն լիակատար հաջողության այս պայքարում»,-հայտարարել է Կոբախիձեն։
Հետևեք մեզ տելեգրամում
