ՌԴ նախագահ Վլադիմիր Պուտինի և Թուրքիայի նախագահ Ռեջեփ Թայիփ Էրդողանի միջև կայացել է հեռախոսազրույց: Քննարկվել են Իրան-Իսրայել բախումները, երկկողմն հարաբերությունները, ինչպես նաև տարածաշրջանային հարցեր:
Էրդողանը հայտարարել է, որ Իրանի վրա Իսրայելի հարձակումներով սկսված բռնությունների պարույրը վտանգի տակ է դրել ողջ տարածաշրջանի անվտանգությունը: Ըստ Էրդողանի՝ Նեթանյահուի կառավարության անօրինական դիրքորոշումն ակնհայտ սպառնալիք է միջազգային համակարգի համար։
Էրդողանը նաև հեռախոսազրույց է ունեցել Իրանի նախագահ Մասուդ Փեզեշքիանի հետ։
Քննարկվել են Իսրայելի և Իրանի միջև հակամարտությունը, տարածաշրջանային և գլոբալ հարցեր։Նախագահ Էրդողանը տեղեկացրել է է, որ մի շարք շփումներ է ունեցել այլ երկրների ղեկավարների հետ Իսրայել-Իրան հակամարտության վերաբերյալ: Էրդողանի խոսքերով, Թուրքիան պատրաստ է օժանդակող դեր խաղալ հակամարտության անհապաղ դադարեցման և միջուկային բանակցություններին վերադառնալու համար։
Թուրքիայի նախագահը նաև ընդգծել է, որ Թուրքիան կարևորում է տարածաշրջանում խաղաղության և կայունության պահպանումը։
Հետևեք մեզ տելեգրամում
