Իրանի ԱԳ նախարար Աբբաս Արաղչին ժամանել է Մոսկվա, որտեղ ՌԴ նախագահի հետ քննարկվելու է համատեղ մարտահրավերներին ու սպառնալիքներին հակազդելու հարցերը՝ հատկապես վերջին զարգացումներից հետո:
Արաղչին ընդգծել է, որ այժմ, երբ տարածաշրջանում առանձնահատուկ իրավիճակ է ստեղծվել, անհրաժեշտ է, որ Իրանի և Ռուսաստանի միջև խորհրդակցությունները լինեն ավելի ճշգրիտ, լուրջ և սերտ:
«Այս այցը տեղի է ունենում այն բանից հետո, երբ ԱՄՆ-ը հարձակվել է Իրանի վրա և իրականացրել է նոր ագրեսիա. բնական է, որ մեր քննարկումները հիմա կլինեն ավելի լուրջ և կներառեն ավելի լայն շրջանակ»,ասել է Արաղչին։
Անդրադառնալով ՌԴ նախագահի հետ նախատեսված հանդիպմանը, Իրանի արտաքին գերատեսչության ղեկավարը նշել է, որ ցանկացած դեպքում, Պուտինի հետ կունենան լուրջ և կարևոր քննարկումներ, որոնք կնպաստեն երկու երկրների շահերին:
Հետևեք մեզ տելեգրամում
