Թուրքիայում ԱՄՆ դեսպան Թոմ Բարաքը հայտարարել է, որ Անկարան ու Վաշինգտոնը կարող են համաձայնության գալ ամերիկյան նոր սերնդի F-35 կործանիչների վերաբերյալ:
«ԱՄՆ Կոնգրեսը պատրաստ է վերանայել այս հարցը։ Նախագահ Ռեջեփ Թայիփ Էրդողանը և արտգործնախարար Հաքան Ֆիդանը արտահայտել են «նոր սկզբի» անհրաժեշտությունը», – ասել է նա պետական «Անադոլու» գործակալությանը։
2019 թվականին Թուրքիայի կողմից ռուսական S-400 հակաօդային պաշտպանության համակարգերի գնումը հանգեցրեց նրան, որ Անկարան հեռացվեց F-35-ների ծրագրից և ԱՄՆ-ի կողմից պատժամիջոցներ կիրառվեցին։
Պաշտոնական Վաշինգտոնը, Անկարային կոչ էր անում հրաժարվել S-400-ների գործարքից և փոխարենը գնել ամերիկյան Patriot համակարգեր: Թուրքիան հրաժարվեց զիջումների գնալ և շարունակից ՌԴ-ի հետ բանակցությունները և ի վերջո գնեց դրանք:
Հետևեք մեզ տելեգրամում
