Բրազիլիայում ԲՐԻԿՍ-ի գագաթնաժողովի շրջանակներում հանդիպել են Իրանի ու ՌԴ արտգործնախարարներ Աբբաս Արաղչին և Սերգեյ Լավրովը։ Կողմերը քննարկել են Իրանի դեմ Իսրայելի ու ԱՄՆ գործողություններին առնչվող հարցեր։ Արաղչին ընդգծել է, որ Իրանը վճռական է հզոր կերպով պաշտպանելու երկիրը և պատասխանատվության ենթարկելու ագրեսորներին:
Արաղչին, նշելով, որ Իսրայելի և ԱՄՆ ռազմական ագրեսիան լուրջ հարված է հասցրել ՄԱԿ-ի կանոնադրության սկզբունքներին և նպատակներին, դիվանագիտությանը և զենքի չտարածման ռեժիմին, շեշտել է ՄԱԿ-ի Անվտանգության խորհրդի և բոլոր պետությունների պարտավորությունը՝ պահպանելու միջազգային խաղաղությունն ու անվտանգությունը:
Հանդիպման ընթացքում ՌԴ արտգործնախարարը, նշելով իր երկրի դիրքորոշումը՝ դատապարտելու Իրանի դեմ իրականացված անօրինական հարձակումները, ներառյալ խաղաղ միջուկային օբյեկտների վրա, ընդգծել է անհրաժեշտ քայլերի ձեռնարկման կարևորությունը՝ տարածաշրջանում լարվածության և անկայունության խորացման կանխարգելման համար։ Նա այդ ուղղությամբ աջակցելու ՌԴ պատրաստակամությունն է հայտնել, այդ թվում՝ ՄԱԿ-ի Անվտանգության խորհրդի մակարդակով:
Հետևեք մեզ տելեգրամում
