ԵՄ-ն ամեն ինչ անում է Ուկրաինայում պատերազմը երկարաձգելու համար․ Կոբախիձե

ԵՄ անդամ երկրները ուժեղացրել են իրենց ռազմատենչ հռետորաբանությունը և անում են ամեն ինչ՝ Ուկրաինայում հակամարտությունը շարունակելու համար։ Այս մասին լրագրողների հետ ճեպազրույցի ժամանակ հայտարարել է Վրաստանի վարչապետ Իրակլի Կոբախիձեն։

«Այսօր ԵՄ անդամ պետությունների ղեկավարների կողմից պատերազմի հռետորաբանությունն այնքան է սրվել, որ ոչ թե տեսանելի է ռազմական գործողությունների ավարտը, այլև ամեն ինչ արվում է դա շարունակելու համար։ Ուկրաինայի առավելագույն զինումը, հեռահար զենքի տրամադրումը, Ռուսաստանի դեմ պատժամիջոցների խստացումը, թոշակի անցած գեներալների հայտարարությունները, որ նրանք պատրաստվում են պատերազմի Ռուսաստանի հետ մոտ ապագայում, այս ամենը հստակ ցույց է տալիս «Գլոբալ պատերազմի կուսակցության» (Գlobal war party) ծրագրերը՝ շարունակել և սրել ռուս-ուկրաինական պատերազմը Եվրոպայի հաշվին, ինչը, ինչպես նշեցի, պետք է հանգեցնի Ռուսաստանի և Եվրոպայի թուլացմանը, իհարկե, դա այդպես էլ կլինի»,-կարծում է Կոբախիձեն։

Վրաստանի վարչապետը նաև ընդգծել է, որ ԵՄ երկրները որոշել են պաշտպանության ծախսերը մեծացնել մինչև ՀՆԱ-ի 5%-ը, որը գերազանցում է այդ երկրների բյուջեի 15%-ը։

««Գլոբալ պատերազմի կուսակցության» կողմից թելադրված քայլերը եվրոպական երկրները դարձնում են միլիտարիստական, ինչը, մի կողմից, մեծացնում է մայրցամաքում ռազմական էսկալացիայի վտանգը, իսկ մյուս կողմից՝ ռազմական ծախսերի ավելացումը ավելի կվատթարացնի ԵՄ տնտեսության վիճակը և սոցիալական ֆոնը»,-հավելել է Կոբախիձեն։