Էրդողանն ու Պուտինը քննարկել են տարածաշրջանային հարցեր

Թուրքիայի նախագահ Ռեջեփ Թայիփ Էրդողանն ու Ռուսաստանի նախագահ Վլադիմիր Պուտինը հեռախոսազրույց են ունեցել։ Այդ մասին հայտարարություն է տարածել Թուրքիայի նախագահականի հանրային կապերի վարչությունը։

Հեռախոսազրույցի ընթացքում կողմերը քննարկել են երկողմ հարաբերությունները, տարածաշրջանային ու գլոբալ հարցեր։ Էրդողանը, անդրադառնալով ռուս-ուկրաինական բանակցություններին, ասել է, որ բանակցությունների 2-րդ փուլի մեկնարկը կարևոր է։ Նաև հավելել է, որ Թուրքիան կշարունակի հյուրընկալել բանակցությունները Ստամբուլում, երբ  բանակցող կողմերը կորոշեն հարմար ժամկետներ։

Թուրքիայի նախագահը նաև խոսել է Սիրիայում տիրող իրավիճակի մասին։ Նա նշել է, որ Սիրիայի Սուվեյդա քաղաքից անվտանգության ուժերի դուրսբերմանը հաջորդած բախումները սպառնալիք են ներկայացում ողջ տարածաշրջանի համար։ Էրդողանը կարևոր է համարել, որ Իսրայեը չխախտի Սիրիայի ինքնիշխանությունը։

Ըստ Էրդողանի՝ Թուրքիան նպատակ ունի Սիրիայում ապահովել կայունություն և անվտանգություն ու օգնել երկրին հնարավորինս շուտ ոտքի կանգնել։

Ermenihaber.am