Եկատերինբուրգում ադրբեջանական սփյուռքի ղեկավար Շահին Շիխլինսկու նկատմամբ հետախուզում է հայտարարվել, հետախուզման հիմքում քրեական հոդվածն է։
Ավելի վաղ Ռուսաստանի Դաշնության Սվերդլովսկի մարզի քննչական կոմիտեի մամուլի ծառայությունը հայտնել էր, որ Եկատերինբուրգում կասեցվել է մի էթնիկ խմբի գործունեությունը, որը, ըստ քննիչների, ներգրավված է եղել 2001, 2010 և 2011 թվականներին տեղի ունեցած մի շարք սպանությունների մեջ։ Նախնական տվյալներով՝ մեղադրյալներից մեկը մահացել է սրտի անբավարարությունից։ Երկրորդ անձի մահվան պատճառը պարզվում է։ Եկատերինբուրգի դատարանը Այազ, Ակիֆ, Բաքիր և Մազահիր Սաֆարովների, ինչպես նաև Ախլիման Գանջիևների նկատմամբ խափանման միջոց է ընտրել կալանքը։ Բացի այդ, Եկատերինբուրգում ադրբեջանական սփյուռքի ղեկավարի որդին՝ Մուտվալա Շիխլինսկին, ձերբակալվել է պետական պաշտոնյայի նկատմամբ բռնության գործով։
Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովայի խոսքով՝ Ռուսաստանի գործերի ժամանակավոր հավատարմատար Պետր Վոլոկովը, ում հրավիրվել էին Ադրբեջանի արտաքին գործերի նախարարություն, անհրաժեշտ բացատրություններ է տվել ստեղծված իրավիճակի վերաբերյալ: Ռուսաստանի նախագահի մամուլի քարտուղար Դմիտրի Պեսկովը նշել է, որ կարևոր է շարունակել աշխատանքը՝ Բաքվին բացատրելու Եկատերինբուրգում Ադրբեջանից անձանց ձերբակալման պատճառներն ու բնույթը:
Բաքվին դուր չի եկել ՌԴ անվտանգության ուժերի գործողությունները, և ադրբեջանական կողմի նախաձեռնությամբ չեղարկվել են Ռուսաստանի Դաշնության հետ մշակութային և մի շարք այլ միջոցառումներ: Կրեմլը ընդգծել է, որ Մոսկվան ափսոսում է Բաքվի նման որոշումների համար:
Հետևեք մեզ տելեգրամում
