Լիբանանի նախագահը զինաթափվելու կոչ է արել

Լիբանանի նախագահ Ջոզեֆ Աունը հինգշաբթի օրը հայտարարել է, որ լիբանանյան կուսակցություններն ու զինված խմբավորումները պետք է օգտվեն առիթից և շուտ հանձնեն իրենց զենքերը, քանի որ Վաշինգտոնը մեծացնում է ճնշումը «Հեզբոլլահ»-ի վրա՝ զենքը հանձնելու համար։

Բեյրութը պահանջում է «Lիբանան պետության իշխանության ընդլայնում իր ամբողջ տարածքում, բոլոր զինված խմբավորումների, այդ թվում՝ «Հեզբոլլահ»-ի զինաթափում, և դրանց հանձնումը լիբանանյան բանակին»,-Բանակի օրվա առթիվ ունեցած իր ելույթում ասել է Աունը՝ «Հեզբոլլահ»-ին և նրա «շրջապատին» կոչ անելով «խաղադրույք կատարել միայն լիբանանյան պետության վրա»:

Լիբանանի նախագահը նաև ընդգծել է, որ ինքը «չի լինի հանդուրժող նրանց նկատմամբ, ովքեր մտահոգված չեն երկրի փրկությամբ» կամ նրանց նկատմամբ, ովքեր «չեն հետաքրքրվում» դրանով։