«Վրացական երազանք -Դեմոկրատական Վրաստան» կուսակցությունը Կախա Կալաձեին պաշտոնապես առաջադրել է որպես Թբիլիսիի քաղաքապետի թեկնածու։
Թեկնածուին «Վրացական երազանք» թիմի անունից ներկայացրել է Վրաստանի վարչապետ Իրակլի Կոբախիձեն։ Միջոցառմանը մասնակցում է նաև կուսակցության պատվավոր նախագահ Բիձինա Իվանիշվիլին։
«Այսօր մենք կարող էինք Թբիլիսիի քաղաքապետի թեկնածուին ներկայացնել որպես պարզապես լավ քաղաքական գործիչ, պարզապես լավ մենեջեր կամ պարզապես լավ հայրենասեր, բայց մենք ներկայացնում ենք իրական չեմպիոն բառի բոլոր իմաստներով։ Մեր թեկնածուն մի մարդ է, որը Վրաստանին պարգևել է ամենաբարձր մակարդակի հաղթանակներ։ Նա չեմպիոն է քաղաքականության, կառավարման և հայրենասիրության մեջ։ Նա չեմպիոն է որպես ընտանիքի մարդ, որպես ընկեր և որպես դաշնակից»,-ասել է Իրակլի Կոբախիձեն։
Կախա Կալաձեն Թբիլիսիի քաղաքապետի թեկնածու է առաջադրվել երրորդ ժամկետով։ Նա առաջին անգամ քաղաքապետ է ընտրվել 2017 թվականին, իսկ երկրորդ անգամ՝ 2021 թվականին։
Հետևեք մեզ տելեգրամում
