Իրանի Ազգային անվտանգության գերագույն խորհուրդը (ԱԱԳԽ) որոշել է ստեղծել «Պաշտպանության խորհուրդ» անվամբ հատուկ մարմին, որը պատասխանատու կլինի երկիրը արտաքին սպառնալիքներից պաշտպանելու հարցերի համար։
Ազգային անվտանգության գերագույն խորհուրդը (ԱԱԳԽ) Սահմանադրության 176-րդ հոդվածի համաձայն, հաստատել է երկրի պաշտպանության խորհրդի ստեղծումը»,-ասվում է ԱԱԳԽ տարածած հայտարարության մեջ։ Նշվում է, որ այս մարմինը կղեկավարի նախագահը, իսկ կազմի մեջ կլինեն դատական իշխանության ղեկավարը, Իրանի խորհրդարանի նախագահը, Իսլամական Հանրապետության զինված ուժերի բարձրաստիճան պաշտոնյաներ և որոշ նախարարներ։
Պաշտպանության խորհուրդը պատասխանատու կլինի երկրի պաշտպանության ծրագրերի մշակման, ինչպես նաև Իրանի զինված ուժերի մարտունակության բարձրացման համար։
«Պաշտպանության խորհուրդ»-ը ստեղծելու որոշումը կայացվել է ԱՄՆ նախագահ Դոնալդ Թրամփի նոր սպառնալիքների ֆոնին, ով նախկինում հայտարարել էր, որ պատրաստ է կրկնակի հարվածներ հասցնել Իրանի միջուկային օբյեկտներին, եթե կարծի, որ Թեհրանը ձգտում է վերականգնել իր ներուժը։ Իսլամական Հանրապետության արտաքին գործերի նախարարության ղեկավար Աբբաս Արաղչին խոստացել է, որ Իրանը վճռական պատասխան կտա կրկնակի ագրեսիայի դեպքում։
Հետևեք մեզ տելեգրամում
