Էրդողանը հույս է հայտնել, որ Ալյասկայի հանդիպումը հիմք կդնի երկարատև խաղաղության

Թուրքիայի նախագահ Ռեջեփ Թայիփ Էրդողանը X-ի միկրոբլոգում գրառում է արել Ալյասկայում կայացած Թրամփ-Պուտին հանդիպման վերաբերյալ։

Նա մասնավորապես նշել է, որ ԱՄՆ նախագահ Դոնալդ Թրամփի և ՌԴ նախագահ Վլադիմիր Պուտինի միջև Ալյասկայում կայացած հանդիպումները նոր թափ են հաղորդել ռուս-ուկրաինական հակամարտության ավարտի որոնումներին։

«Մենք ողջունում ենք Ալյասկայի հանդիպումը և հույս ունենք, որ այս նոր գործընթացը՝ Ուկրաինայի նախագահ Վոլոդիմիր Զելենսկու մասնակցությամբ, հիմք կծառայի երկարատև խաղաղության համար։ Թուրքիան պատրաստ է ամեն կերպ նպաստել խաղաղության հաստատմանը»,- նշել է Էրդողանը։

Ermenihaber.am