Եվրոպական երկրների մի շարք առաջնորդներ սեպտեմբերի 8-ին և 9-ին կժամանեն Միացյալ Նահանգներ՝ քննարկելու Ուկրաինայի հակամարտության խաղաղ կարգավորումը: Այս մասին հայտարարել է ԱՄՆ նախագահ Դոնալդ Թրամփը։
«Մենք շատ հետաքրքիր քննարկումներ ենք ունենում։ Որոշ եվրոպական առաջնորդներ երկուշաբթի և երեքշաբթի օրերին առանձին-առանձին կժամանեն մեր երկիր»,-ասել է ամերիկացի առաջնորդը՝ վստահություն հայտնելով ուկրաինական ճգնաժամի վերջնական կարգավորման հարցում։
Թրամփը նաև հույս է հայտնել, որ առաջիկայում հավանականություն կա, որ կխոսի ՌԴ նախագահ Վլադիմիր Պուտինի հետ:
«Շատ շուտով։ Հաջորդ մի քանի օրվա ընթացքում»,-ասել է Թրամփը, երբ նրան հարցրել են, թե երբ կցանկանար ևս մեկ հեռախոսազրույց ունենալ Պուտինի հետ։
«Մենք կարող ենք դա անել: Ռուսաստանի և Ուկրաինայի հետ այս ամբողջ իրավիճակը։ Մենք կարող ենք դա անել։ Ես վստահ եմ, որ մենք դա կանենք»,-ասել է Թրամփը՝ խոսելով ուկրաինական հակամարտության լուծման մասին։
Հետևեք մեզ տելեգրամում
