Իրանը Չինաստանի, Ռուսաստանի, Վենեսուելայի, Նիկարագուայի և Բելառուսի հետ համատեղ Ատոմային էներգիայի միջազգային գործակալության (ԱԷՄԳ) գլխավոր կոնֆերանսի 69-րդ նստաշրջանում ներկայացրել է միջուկային օբյեկտների վրա հարձակումների արգելման վերաբերյալ բանաձևի նախագիծ: Այս մասին հայտնել է Իրանի արտաքին գործերի նախարարության խոսնակ Էսմայիլ Բաղաեին:
«Միջուկային զենքի չտարածման մասին պայմանագրի ամբողջականությունը պաշտպանելու համար Իրանը Չինաստանի, Ռուսաստանի, Վենեսուելայի, Նիկարագուայի և Բելառուսի հետ համատեղ ներկայացրել է «Գործակալության համապարփակ երաշխիքների համաձայնագրով ընդգրկված միջուկային օբյեկտների և ենթակառուցվածքների վրա հարձակումների ու սպառնալիքների բոլոր ձևերի արգելման մասին» բանաձևի նախագիծ»,-գրել է նա X-ում։
Նախագծում նշվում է, որ բոլոր երկրներն ունեն «խաղաղ նպատակներով միջուկային էներգիա զարգացնելու անբաժանելի իրավունք», ինչպես նաև «ցանկացած հարձակման կամ հարձակման սպառնալիքի դեմ արդյունավետ պաշտպանության իրավունք»։
Հետևեք մեզ տելեգրամում
