Եվրոպական հանձնաժողովը (ԵՀ) սեպտեմբերի 17-ին չի ներկայացնի հակառուսական պատժամիջոցների հաջորդ փաթեթը, ինչպես և սպասվում էր. այն հետաձգվում է անորոշ ժամանակով։ Այս մասին հաղորդում է Politico պարբերականը՝ հղում անելով եվրոպացի դիվանագետի և դաշինքի երկրներից մեկի պաշտոնյայի։
Politico-ի փոխանցմամբ՝ ուշացումը պայմանավորված է նրանով, որ ԵՄ-ի ուշադրությունը Ռուսաստանի դեմ նոր պատժամիջոցներ սահմանելուց տեղափոխվել է Սլովակիայի և Հունգարիայի վրա ճնշում գործադրելու վրա: Նրանց նպատակը այս երկու երկրների՝ «ռուսական նավթից կախվածությունը նվազեցնելն է»։
Սեպտեմբերի 13-ի առավոտյան ԱՄՆ նախագահ Դոնալդ Թրամփը հայտարարեց, որ պատրաստ է Ռուսաստանի նկատմամբ խիստ պատժամիջոցներ կիրառել, եթե Հյուսիսատլանտյան դաշինքի բոլոր անդամները միասին գործեն և դադարեցնեն ռուսական նավթ գնելը։ Նա նշեց, որ ՆԱՏՕ-ի որոշ դաշնակիցների կողմից Ռուսաստանից էներգետիկ ռեսուրսների շարունակական ներմուծումը «թուլացրել է դաշինքի բանակցային դիրքերը»։
Հետևեք մեզ տելեգրամում
