Իսրայելի վարչապետ Բենյամին Նեթանյահուն և հրեական պետության այլ առաջատար քաղաքական գործիչներ Գազայի հատվածում ցեղասպանություն են հրահրել պաղեստինցի ժողովրդի նկատմամբ։ Այս եզրակացությանն են հանգել ՄԱԿ-ի միջազգային հանձնաժողովի փորձագետները, որը զբաղվում է Պաղեստինի օկուպացված տարածքում, այդ թվում՝ Արևելյան Երուսաղեմում և Իսրայելում տեղի ունեցած իրադարձությունների հետաքննությամբ։
«Հանձնաժողովը նաև եզրակացրեց, որ Իսրայելի նախագահ Իցահակ Հերցոգը, վարչապետ Բենյամին Նեթանյահուն և այն ժամանակվա պաշտպանության նախարար Յոավ Գալանտը հրահրել են ցեղասպանություն, և որ Իսրայելի իշխանությունները չեն պատժել նրանց այդ հրահրման համար»,-ասվում է հանձնաժողովի զեկույցի վերաբերյալ մամուլի հաղորդագրության մեջ: ՄԱԿ-ի փորձագետները նշել են, որ չեն վերլուծել իսրայելցի բոլոր քաղաքական գործիչների հայտարարությունները։
Հանձնաժողովի նախագահ Նավի Փիլայի խոսքով՝ միջազգային հանրությունը «չի կարող լռել Իսրայելի կողմից Գազայում պաղեստինցի ժողովրդի դեմ սանձազերծված ցեղասպանական արշավի մասին»:
«Երբ ի հայտ են գալիս ցեղասպանության հստակ նշաններ և ապացույցներ, այն դադարեցնելու համար չգործելը հավասարազոր է մեղսակցության»,-ընդգծել է նա:
Հետևեք մեզ տելեգրամում
