Իրանի ատոմային էներգիայի կազմակերպության ղեկավար Մոհամմադ Էսլամին հայտնել է, որ Իրանն ու Ռուսաստանն առաջիկա օրերին կստորագրեն համաձայնագիր Իրանում նոր միջուկային էներգաբլոկներ կառուցելու վերաբերյալ։
«Երկու երկրների միջև միջկառավարական համաձայնագիրը նախատեսում էր, որ Ռուսաստանը կկառուցի ութ միջուկային էներգաբլոկ, որոնցից չորսը կլինեն Բուշերում։ Իրանը կտեղեկացնի Ռուսաստանին նոր կայանների կառուցման մասին», – նշել է Էսլամին։
Նա հավելել է, որ Իրանը նախատեսում է ատոմակայաններում արտադրել 20.000 ՄՎտ էներգիա, և այս գործընթացում Ռուսաստանը գլխավոր գործընկերն է։
Հետևեք մեզ տելեգրամում
