Մեծ Բրիտանիայի կառավարությունը վերականգնել է պատժամիջոցները ավելի քան 120 իրանցիների և իրանական կազմակերպությունների նկատմամբ, որոնք 2015 թվականին՝ Իրանի միջուկային համաձայնագրից առաջ, ենթարկվել էին ՄԱԿ-ի Անվտանգության խորհրդի սահմանափակումներին։
«2025 թվականի հոկտեմբերի 1-ին Արտաքին գործերի նախարարությունը թարմացրել է Մեծ Բրիտանիայի կառավարության կայքում տեղադրված Մեծ Բրիտանիայի պատժամիջոցների ցանկը։ Իրանի վերաբերյալ ՄԱԿ-ի snapback մեխանիզմի շրջանակում 121 անձ ավելացվել է համախմբված ցուցակում։ Նրանցից 78 անձինք Մեծ Բրիտանիայի ցուցակում էին մինչև այսօր, որը փոփոխվել է՝ արտացոլելու այն, որ նրանք ենթարկվում են ՄԱԿ-ի լրացուցիչ պատժամիջոցների»,-ասվում է հայտարարության մեջ:
Մեծ Բրիտանիայի պատժամիջոցների ցանկում կրկին ներառված են 23 ֆիզիկական անձ և 20 կազմակերպություն, այդ թվում՝ Իրանի ատոմային էներգիայի կազմակերպությունը։
Հետևեք մեզ տելեգրամում
