2025թ․ սեպտեմբերի 8-ին հոլանդական «Follow the Money» հետաքննական լրագրության հարթակը հրապարակել մի հոդված, որի համաձայն՝ վրացական իշխանամետ «Իմեդի» հեռուստաալիքը ֆինանսավորվում է «Վրացական երազանք» կուսակցության հիմնադիր, միլիարդատեր Բիձինա Իվանիշվիլիի կողմից:
Հետաքննական հարթակը գրել էր, թե «Իմեդին» Վրաստանի ամենահայտնի հեռուստաալիքներից մեկն է, որին «փորձագետները մեղադրում են քարոզչություն տարածելու համար»։
«Հեռուստաալիքի սեփականատերը՝ վրաց-ամերիկացի գործարար Իրակլի Ռուխաձեն, պնդում է, որ հարթակը «խմբագրական առումով անկախ է», սակայն մեր նախորդ հոդվածը հրապարակելուց հետո մեր կատարած վերլուծությունը լրացուցիչ կասկածի տակ է դնում այս հարցը. հեռուստաալիքը ուղիղ վարկեր է ստացել երկրի իշխող կուսակցության՝ ռուսամետ «Վրացական երազանքի» պատվավոր նախագահ և փաստացի առաջնորդ, միլիարդատեր Բիձինա Իվանիշվիլիի բիզնես կայսրությունից։ 2022թ․ վերջին «Քարթու Բանկ» բաժնետիրական ընկերություը հեռուստաալիքին տրամադրել էր 17 վարկ, որոնց ընդհանուր արժեքը կազմել է 44.8 մլն վրացական լարի (այդ ժամանակ մոտ 15.5 միլիոն եվրո)»,-նշվում է հոլանդական «Follow the Money» հետաքննական լրագրության հարթակի տեքստում։
Transparency International Georgia-ն իր հերթին շարունակել է հետաքննել թեման և պարզել է, որ Իվանիշվիլին «Իմեդին» ֆինանսավորում է առնվազն 2018-ից։
«2022թ․ վերջին «Իմեդիի» պարտքը Բիձինա Իվանիշվիլիի ընկերություններին կազմել է առնվազն 61 մլն լարի (մոտ 23մլն․ ԱՄՆ դոլար)։ «Քարթու Գրուպ»-ի հետ կապված այլ ընկերությունների հետ միասին պարտքը հասնում է 165մլն լարիի (մոտ 61մլն ԱՄՆ դոլար)։ «Իմեդի»-ն ֆինանսավորվում է արտոնյալ վարկերի միջոցով։ 2023թ․ հեռուստաընկերությունը ստացել է 331մլն լարի (մոտ 123մլն ԱՄՆ դոլար) վարկ։ Երկու հիմնական վարկատուներն են Բիձինա Իվանիշվիլին և Իրակլի Ռուխաձեն (իրենց ընկերությունների միջոցով)։ Ընկերությունը գործում է վնասով։ 2024-ին ընկերության պարտքը մեծացել է մինչև 391մլն լարի, իսկ վնասները՝ մինչև 454մլն լարի։»,- նշված է Transparency International Georgia-i հետաքննությունում։
Հետևեք մեզ տելեգրամում
