Մադրիդում Իսրայելի դեսպանատան գործերի ժամանակավոր հավատարմատարին կանչել են Իսպանիայի արտաքին գործերի նախարարություն՝ Իսրայելի կողմից «Սումուդ» նավատորմի նավերի կալանավորումից հետո: Այս մասին հայտարարել է Թագավորության արտաքին գործերի նախարար Խոսե Մանուել Ալբարեսը:
«Այսօր ես կանչեցի Մադրիդում գործերի ժամանակավոր հավատարմատարին»,-TVE հեռուստաընկերությանը տված հարցազրույցում ասել է դիվանագետը՝ հայտնելով, որ Իսպանիայի իշխանությունները տեղյակ են նավատորմի կազմում գտնվող 65 իսպանացիների մասին։
Արտաքին գործերի նախարարն ընդգծել է, որ այդ իսպանացիները հետապնդում էին «զուտ մարդասիրական նպատակներ, որևէ սպառնալիք չէին ներկայացնում և չեն ներկայացնում Իսրայելի կամ որևէ մեկի համար»։
Ավելի վաղ Միջազգային առաքելության տեղեկատվական կոմիտեն հայտնել էր, որ իսրայելական ուժերն առգրավել են Սումուդ նավատորմի ինը նավ և ձերբակալել 70 ակտիվիստի։
Սումուդ նավատորմը սեպտեմբերի կեսերին Թունիսի ափերից մեկնել է դեպի Գազա։ Այն բաղկացած էր տարբեր երկրների պատկանող ավելի քան 40 նավերից, որոնցից մեկի վրա էր գտնվում շվեդ իրավապաշտպան Գրետա Թունբերգը։ Առաքելության նպատակն էր ճեղքել Գազայի հատվածի շրջափակումը և մարդասիրական օգնություն հասցնել տուժած բնակչությանը։
Հետևեք մեզ տելեգրամում
