Թուրքիայի նախագահ Ռեջեփ Թայիփ Էրդողանն Ադրբեջանի նախագահ Ի.Ալիևի հրավերով հոկտեմբերի 7-ին կմեկնի Ադրբեջան՝ մասնակցելու «Թյուրքական պետությունների կազմակերպության» (ԹՊԿ)12-րդ գագաթնաժողովին։ Այդ մասին հայտնել է Թուրքիայի նախագահականի Հանրային կապերի վարչության ղեկավար Բուրհանեթթին Դուրանը։
Հայտարարության մեջ նշվում է, որ «Տարածաշրջանային խաղաղություն և անվտանգություն» թեմայով Գաբալայում կայանալիք գագաթնաժողովի շրջանակներում կվերանայվի «ԹՊԿ»-ի ինստիտուցիոնալ կառուցվածքի ամրապնդման և կազմակերպության շրջանակներում համագործակցության ամրապնդմանն ուղղված ջանքերը։ Նախատեսվում է, որ կընդունվեն տարբեր փաստաթղթեր և որոշումներ, այդ թվում՝ Գաբալայի հռչակագիրը։
Գագաթնաժողովի շրջանակներում նաև նախատեսվում է, որ Էրդողանը կհանդիպի մասնակից երկրների ղեկավարների հետ։
Հետևեք մեզ տելեգրամում
