Պաղեստինյան «ՀԱՄԱՍ» շարժման կողմնակիցները սկսել են Գազայի հատվածում սպանված պատանդների մարմինները տեղափոխել մեկ վայր՝ հետագայում Իսրայելին հանձնելու համար։ Այս մասին հայտնում է շարժմանը մոտ կանգնած «Մաան» լրատվական գործակալությունը:
Բացի այդ, «ՀԱՄԱՍ»-ը միջնորդներին է տրամադրել մահացած պատանդների և դեռևս կենդանի մնացածների անունների ցուցակներ, որոնք, հավանաբար, կհանձնվեն իսրայելական կողմին։
«ՀԱՄԱՍ»-ը նախկինում պնդում էր պատանդների փուլային ազատ արձակման վրա, այլ ոչ թե ԱՄՆ-ի կողմից նախատեսված 72-ժամյա ժամկետի վրա։ Սակայն հիմնական խնդիրն այն է, որ շարժումը ոչ միայն չի կարողանում կապ հաստատել պատանդներին պահող խմբերի հետ՝ Գազայում Իսրայելի գործողությունների ինտենսիվության պատճառով, այլև կարող է չունենալ ճշգրիտ տեղեկատվություն գերիների գտնվելու վայրի և նրանց ներկայիս ֆիզիկական վիճակի մասին։ Իսրայելական տվյալների համաձայն՝ սեպտեմբերի վերջի դրությամբ «ՀԱՄԱՍ»-ի կողմնակիցները Գազայում շարունակում էին պահել 20 կենդանի պատանդի և 28 մահացած բանտարկյալի մարմիններ։
Հետևեք մեզ տելեգրամում
