Հայաստանի ֆուտբոլի ազգային հավաքականի նախկին ավագ և Միլանի «Ինտեր»-ի 36-ամյա կիսապաշտպան Հենրիխ Մխիթարյանը հայտնվել է Եվրոպայի հինգ առաջատար լիգաների ֆուտբոլիստների առաջին տասնյակում՝ ըստ մեկ խաղի ընթացքում միջինում անցած տարածության։ Ըստ Gradient Sports-ի և TransferRoom-ի տվյալների՝ հետազոտության մեջ ընդգրկել են այն խաղացողները, ովքեր անցկացրել են առնվազն հինգ հանդիպում ընթացիկ մրցաշրջանում և ցույց են տվել ամենամեծ ինտենսիվությունն ու աշխատասիրությունը ամբողջ 90 րոպեների ընթացքում։
ՏՈՊ-10 ֆուտբոլիստներ՝ ըստ միջին անցած տարածության մեկ խաղում.
- Յասին Բելխդիմ («Անժե», Ֆրանսիա) — 11.7 կմ
- Ջոն Գուրիդի («Ալավես», Իսպանիա) — 11.4 կմ
- Լուկա Կերբեր («Հայդենհայմ», Գերմանիա) — 11.3 կմ
- Ադրիեն Տոմասոն («Լանս», Ֆրանսիա) — 11.2 կմ
- Ֆիլ Ֆոդեն («Մանչեսթեր Սիթի», Անգլիա) — 11.2 կմ
- Կոկե («Աթլետիկո Մադրիդ», Իսպանիա) — 11.1 կմ
- Մարիո Ցաուեր («Տուլուզա», Ֆրանսիա) — 11.0 կմ
- Պաբլո Դուրան («Սելտա», Իսպանիա) — 11.0 կմ
- Լուկաս Բերգվալ («Տոտենհեմ», Անգլիա) — 11.0 կմ
- Հենրիխ Մխիթարյան («Ինտեր», Իտալիա) — 11.0 կմ
Հետևեք մեզ տելեգրամում
