Ռուսաստանից մեկնած առաջին կանոնավոր բեռնատար գնացքը հասել է Իրանի մայրաքաղաք Թեհրանի մոտ գտնվող Ապրին չոր նավահանգիստ, հայտնում են իրանական և ռուսական լրատվամիջոցները։
Գնացքն անցել է միջազգային «Հյուսիս-Հարավ» տրանսպորտային միջանցքի արևելյան ճյուղով՝ Ղազախստանի և Թուրքմենստանի տարածքով: 62 կոնտեյներից բաղկացած գնացքն իր ուղևորությունը սկսել է Ռուսաստանի հյուսիսային հատվածից՝ մոտ 900 կմ Մոսկվայից հյուսիս, և ամբողջ երթուղին անցել է մոտ 12-13 օրում։
Ըստ իրանական լրատվամիջոցների՝ սա ռուս-իրանական երկաթուղային հաղորդակցության նոր փուլի սկիզբ է և կարևոր քայլ է երկաթուղային կանոնավոր բեռնափոխադրումների հաստատման գործում։ Այն նաև դիտարկվում է հնարավորություն Ռուսաստանի, Կասպից ծովի երկրների, Իրանի և Հնդկաստանի միջև բեռնափոխադրումների զարգացման համար։
Հետևեք մեզ տելեգրամում
