Վրաստանի երրորդ նախագահ Միխեիլ Սաակաշվիլին, որը դատապարտվել էր մի շարք հանցագործությունների համար, Թբիլիսիի «Վիվամեդի» կլինիկայից տեղափոխվել է Ռուսթավիի բանտ։
«Քանի որ դատապարտված Միխեիլ Սաակաշվիլիի առողջական վիճակը բավարար է, և նա այլևս ստացիոնար բուժման կարիք չունի, այդ պատճառով նրան դուրս են գրել քաղաքացիական կլինիկայից։ Սաակաշվիլիին վերադարձրել են թիվ 12 քրեակատարողական հիմնարկ, որտեղ նա կշարունակի կրել իր պատիժը սովորականի պես»,-ասվում է Վրաստանի արդարադատության նախարարության հայտարարության մեջ։
2021 թվականի հոկտեմբերի 1-ին ձերբակալվելուց ի վեր Սաակաշվիլին բանտում անցկացրել է վեց ամսից պակաս։ Մնացած ժամանակ նա անցկացրել է հիվանդանոցներում. սկզբում բանտային հիվանդանոցում, ապա՝ Գորիի ռազմական հոսպիտալում, իսկ 2022 թվականի մայիսից՝ Թբիլիսիի «Վիվամեդի» կլինիկայում։
Միխեիլ Սաակաշվիլին դատապարտվել է 12 ու կես տարվա ազատազրկման՝ չորս քրեական մեղադրանքներով։
Հետևեք մեզ տելեգրամում
