Իսրայելի կողմից վերահսկվող Գազայի հատվածում մնացած «ալ-Քասամի բրիգադներ»-ի («ՀԱՄԱՍ»-ի զինյալ թև) անդամները կարող են տեղափոխվել Թուրքիա։ Այս մասին հայտնել է «ՀԱՄԱՍ»-ին մոտ կանգնած «Մաան» լրատվական գործակալությունը։
Կայքի աղբյուրների համաձայն՝ միջնորդները «մշակում են դեղին գոտուց («ՀԱՄԱՍ»-ի և Գազայի հատվածում Իսրայելի ուժերի միջև սահմանը) այն կողմ զինյալների՝ Թուրքիայի տարածք հնարավոր տեղափոխման ծրագիր, որին կհաջորդի նրանց տարանջատումը տարածաշրջանի մի քանի երկրներում»։
Նշվում է, որ այս հարցի շուրջ խորհրդակցություններ են տեղի ունենում ԱՄՆ-ի, Թուրքիայի և այլ երկրների ներկայացուցիչների միջև, սակայն առանց Իսրայելի մասնակցության։ Ավելին, ինչպես նշում է գործակալությունը, Իսրայելը ոչ միայն տեղյակ է «ՀԱՄԱՍ»-ի զինյալների Թուրքիա հնարավոր արտաքսման մասին, այլև սկզբունքորեն դեմ չէ նման գործողությանը։
Զինյալների կոնկրետ թիվը հայտնի չէ։
Որոշ ժամանակ առաջ «ՀԱՄԱՍ»-ը միջնորդներին տեղեկացրել էր իր կողմնակիցներին «դեղին գոտուց» դուրս բերելու և նրանց Գազայի այլ հատվածներ տեղափոխելու պատրաստակամության մասին: Իսրայելը և Միացյալ Նահանգները մերժել էին այս մոտեցումը:
Հետևեք մեզ տելեգրամում
