Հայ երկրպագուներն ակցիա են իրականացրել Հայաստան-Հունգարիա խաղի ժամանակ

Հայ երկրպագուները Հայաստան-Հունգարիա խաղի ժամանակ ցուցադրել են պաստառ՝ «Բարի գալուստ Հայաստան, այստեղ կարող եք անվտանգ քնել» գրությամբ: Դա հստակ հղում էր Բուդապեշտում հայ սպա Գուրգեն Մարգարյանի 2004 թվականին տեղի ունեցած դաժան սպանությանը։

Այդ տարի ադրբեջանցի զինծառայող Ռամիլ Սաֆարովը կացնով սպանեց Մարգարյանին, երբ նա քնած էր ՆԱՏՕ-ի ուսումնական ծրագրի ընթացքում։ Սաֆարովը հետագայում արտահանձնվեց Ադրբեջան, որտեղ անմիջապես ներվում ստացավ, ազատ արձակվեց և հռչակվեց որպես ազգային հերոս։