Քրդական Քրդստանի աշխատավորական կուսակցությունը (PKK) հայտարարել է, որ իր ուժերը դուրս են բերվել Հյուսիսային Իրաքի սահմանային կարևորագույն տարածքից: Այս քայլին նրանք դիմում են Թուրքիայի հետ խաղաղության գործընթացը խթանելու նպատակով։
«Նոյեմբերի 16-ի երեկոյի դրությամբ Զապ շրջանում գտնվող մեր ուժերը դուրս են բերվել: Ներկայումս տարածքում հակամարտության ռիսկը լիովին վերացված է»,-ասվում է խմբավորման հայտարարության մեջ՝ սա որակելով որպես «նշանակալի գործնական ներդրում» Անկարայի հետ կապերի վերականգնման շարունակական ջանքերին։
«Մենք կարծում ենք, որ այս նոր քայլը կծառայի քրդական հարցի լուծմանը և կնպաստի Թուրքիայի խաղաղությանն ու ժողովրդավարացմանը»,-ասված է հայտարարության մեջ:
Անկարան Քրդական աշխատավորական կուսակցության (PKK) հետ ոչ ուղիղ բանակցություններ սկսեց անցյալ տարվա վերջին, որի բանտարկված հիմնադիր Աբդուլլահ Օջալանը փետրվարին կոչ արեց իր զինյալներին վայր դնել զենքերը և ընդունել ժողովրդավարական միջոցներ՝ քրդական գործը առաջ մղելու համար։
Հետևեք մեզ տելեգրամում
