Քեմբրիջի բառարանը «Parasocial» բառը ճանաչել է տարվա բառ։ Այդ մասին գրում է Euronews-ը։
Բառը նկարագրում է այնպիսի կապ, որը մարդը զգում է իր և իրեն անծանոթ հայտնի անձի, գրքի, ֆիլմի, հեռուստասերիալի կամ արհեստական բանականության միջև։ Այն օգտագործվում է նկարագրելու պարասոցիալական հարաբերություններ, որոնց դեպքում մարդը զգում է, որ անձամբ ճանաչում է որևէ հայտնի անձի, չնայած երբեք նրան չի հանդիպել։
Բառի ընտրության պատճառներին անդրադառնալով՝ Քեմբրիջի բառարանի խմբագիրները նշում են, որ սոցիալական ցանցերի շնորհիվ է՛լ ավելի է ուժեղացել երկրպագուների կապն իրենց սիրելի հայտնիների հետ, իսկ արհեստական բանականությամբ աշխատող չաթբոտերի ժողովրդականությունը մեծացել է։ Այս է պատճառը, որ նմանատիպ միակողմանի հարաբերություններ նկարագրող «parasocial» բառն այժմ շատ արդիական է։
Նշվում է, որ սա երկրորդ դեպքն է, որ ածական խոսքի մասն է ճանաչվում տարվա բառ․ 2016 թվականին տարվա բառ էր ճանաչվել «paranoid»-ը։
Հետևեք մեզ տելեգրամում
