Վրաստանի էկոնոմիկայի և կայուն զարգացման նախարար Մարիամ Քվրիվիշվիլին ընդունել է ՀՀ էկոնոմիկայի նախարար Գևորգ Պապոյանին, որը Վրաստանում է ՀՀ նախագահի պատվիրակության պաշտոնական այցի շրջանակներում։
Հանդիպմանը հատուկ շեշտվել է տրանսպորտի, լոգիստիկայի, երկկողմ առևտրի, զբոսաշրջության և ներդրումների ոլորտներում համագործակցության ամրապնդումը։
Նույն օրը Գևորգ Պապոյանին ընդունել է նաև շրջակա միջավայրի և գյուղատնտեսության նախարար Դավիթ Սոնղուլաշվիլին։ Կողմերը քննարկել են գյուղատնտեսության ոլորտում երկրների միջև ապագա համագործակցության հնարավորությունները, այդ թվում՝ առևտրատնտեսական հարաբերությունների խորացման հեռանկարները։
Անդրադարձ է կատարվել սննդի անվտանգության, ինչպես նաև ոլորտային համագործակցության և փորձի փոխանակման հարցերին, այդ թվում՝ խաղողագործության և գինեգործության, ինչպես նաև գիտական հետազոտությունների ոլորտներում։
Հետևեք մեզ տելեգրամում
