Թուրքիան մտադիր չէ իր սահմանները փակել օտարերկրյա զբոսաշրջիկների համար։ Այս մասին հայտնել է Թուրքիայի մշակույթի և զբոսաշրջության նախարար Մեհմեթ Նուրի Էրսոյը։
Նախարարը հայտնել է, որ սկզբնական շրջանում Թուրքիա կարող են այցելել Հեռավոր Արևելքի երկրներից, որոնք հաղթահարել են կորոնավիրուսային ճգնաժամը։
2020 թվականի ամառային սեզոնի սկզբից ի վեր Թուրքիան մեկնարկել է «Առողջ զբոսաշրջության սերտիֆիկացում» ծրագիրը, որը բաղկացած է 4 հիմնական բաժնից․ զբոսաշրջիկների առողջությունն ու անվտանգությունը, զբոսաշրջային ոլորտի աշխատակիցների առողջությունն ու անվտանգույթունը, կեցավայերում ձեռնարկվող միջոցառումներ և տրանսպորտային միջոցներում ձեռնարկվող միջոցառումներ: Այս միջոցառումները նպատակ ունեն ապահովել զբոսաշրջիկի առողջությունը։
Նշվում է, որ արդեն իսկ ստեղծվել են գիտականորեն հիմնավորված համաճարակային արձանագրություններ և սերտիֆիկացման գործողություններ, որոնք մշակվել են անհատական մոտեցմամբ՝ օդանավակայանների, ավիաընկերությունների, մայրուղիների և զբոսաշրջային օբյեկտների մասով:
Թուրքիայում նախ կբացվի ներքին տուրիզմը, ապա արտաքինը։ Օդանավակայաններում բոլոր զբոսաշրջիկներն անցնելու են կորոնավիրուսի ախտորոշման թեստ, որը կտևի 2-3 րոպե։
Նախատեսվում է մայիսի վերջին աստիճանաբար սկսել ներքին տուրիզմը, իսկ հունիսին բանակցությունների ավարտից հետո բացել օդային հաղորդակցությունը։
Հետևեք մեզ տելեգրամում
