Արաբական «Entrepreneur Alarabiya» պարբերականում, որը նվիրված է արաբական աշխարհում ձեռներեցության, բիզնեսի, տեխնոլոգիաների և ստարտափների մասին նորություններին, հոդված է հրապարակվել Հայաստանի վերաբերյալ:
«Հայաստանը բացում է արկածների նոր հարթություն՝ համատեղելով նրբագեղությունը, էլեգանտությունը և շքեղությունը։ Երկրում աճում է պահանջարկն այնպիսի զվարճանքների նկատմամբ, ինչպիսիք են պարապլանով թռիչքները կանաչ հովիտների վրայով, օդապարիկով թռիչքները պատմական հուշարձանների վրայով և մասնավոր ուղղաթիռային էքսկուրսիաները, որոնք տեսարան են բացում դեպի Կովկասի խստաշունչ ու գեղեցիկ տեղանքը, ինչն ամրապնդում է նրա դիրքերը որպես աշխարհի ամենագրավիչ զբոսաշրջային ուղղություններից մեկը։
Աշնան գալուն պես զուլալ կապույտ երկինքն իդեալական պայմաններ է ստեղծում թռիչքների համար՝ թույլ տալով Պարսից ծոցի երկրներից ժամանած հյուրերին անապատային հորիզոնը փոխարինել լեռնային զեփյուռով և բացահայտել Հայաստանը բոլորովին նոր կողմից։ Իսկ դահուկասահքի սիրահարներին այստեղ սպասում են ձյունածածկ լեռները»,- նշվում է հոդվածում:
Հետևեք մեզ տելեգրամում
