Թուրքիայում անօրինական խաղադրույքների շուկայի 60%-ը վերահսկվում է հայերի կողմից. Betconstruct-ը՝ հիմնական հարթակ

Թուրքիայում հրապարակվել է ապօրինի խաղադրույքների վերաբերյալ «Papara»-ի (վճարային հարթակ) գործով մեղադրական եզրակացությունը, որում նշվում է, որ Թուրքիայում գործող ապօրինի խաղադրույքների կայքերում օգտագործվում են Շվեյցարիայում, Հայաստանում և Միացյալ Թագավորությունում ստեղծված համակարգեր։

Եզրակացությունում տեղ գտած գաղտնի վկայի ցուցմունքի համաձայն՝ Շվեյցարիայում գործող «Betradar»-ը տրամադրում է սպորտային խաղադրույքների գործակիցներ և տվյալներ, «Evolution Gaming»-ը առաջարկում է live casino-ի ծառայություններ իսկ տեխնիկական ենթակառուցվածքները ապահովում է Հայաստանում և Մեծ Բրիտանիայում գործող «Betconstruct»-ը: Գաղտնի վկան նշել է. «Թուրքիայում անօրինական խաղադրույքների շուկայի 60%-ը վերահսկվում է հայերի կողմից: Յուրաքանչյուր ամսվա առաջին 10 օրվա ընթացքում Թուրքիայից BTC-ով մոտ 10 միլիոն եվրո է ուղարկվում Երևան կամ Լոնդոն»:
Ըստ վկայի անօրինական խաղադրույքների միջոցով Թուրքիայից արտասահման մաքսանենգ ճանապարհով ուղարկվող տարեկան գումարը կազմում է մոտ 2 միլիարդ դոլար։

Նշենք , որ «Papara»-ի գործը վերաբերում է Թուրքիայի դատախազության կողմից իրականացվող լայնածավալ քննությանը, որը բացահայտում է, թե ինչպես են ապօրինի խաղադրույքների ցանցերը օգտագործել «Papara» վճարային հարթակը և այլ միջնորդ համակարգեր՝ միլիարդավոր լիրաների շրջանառությունը թաքցնելու ու արտերկիր փոխանցելու համար։